Алматы облысының Еңбекшіқазақ ауданының №2 сотында ҚР әкімшілік құқық бұзушылық туралы кодексінің 434-бабының 1-бөлігі бойынша Е.-ге қатысты іс қаралды.
Бұл туралы Еңбекшіқазақ ауданының № 2 аудандық сотының баспасөз қызметі хабарлап отыр.
Сот мәліметінше, биыл 22 наурыз күні сағат 16:20-да айыпталушы Тауқаратұрық ауылында жүріп, Үлкен Алматы каналы тасжолында көкпар ойнаған. Осылайша, ол азаматтардың қоғамдық тәртібі мен тыныштығын бұзған.
Сот отырысында Е. кінәсін мойындап, құқық бұзушылық фактісін растады, қатаң жазаламауды сұрады.
Қазақстан Республикасының әкімшілік құқық бұзушылық туралы кодексінің 434-бабының 1-бөлігімен Е. кінәлі деп танылып, оған осы бап бойынша 20 АЕК айыппұл салынды, — делінген хабаламада.
