Мьянма жағалауында тағы жер сілкінді. Жер сілкінгені туралы Еуропа-Жерорта теңізі сейсмологиялық орталығы хабарлап отыр.
Агенттіктің мәліметінше, жер сілкінісінің ошағы 4,5 миллионға жуық адам тұратын Янгон қаласынан оңтүстікке қарай 142 шақырым жерде жатыр. Жер сілкінісінің ошағы 10 км тереңдікте орналасқан.
Құрбан болғандар туралы ақпарат жоқ.
Айта кетейік, Қытай жер сілкінісі ұлттық орталығының (CENC) мәліметінше, 28 наурыз күні сағат 14:20-да Мьянмада (солтүстік ендік 21,85 градус, шығыс бойлық 95,95 градус) магнитудасы 7,9 болатын жер сілкінісі тіркелген. Жер сілкінісінің ошағы 30 шақырым тереңдікте орналасқан.
Еске салайық, 28 наурызда Оңтүстік-Шығыс Азияда орналасқан Мьянма республикасының орталық бөлігінде жер сілкінді. Магнитудасы — 7,7, тереңдігі — 10 шақырым. Кейінгі мәлімет бойынша, жер сілкінгеннен 2028 адам қаза болған.
