Петропавлда 4-5 сәуірде су тасқынының бірінші толқыны болуы мүмкін. Бұл туралы премьер-министрдің орынбасары Қанат Бозымбаев Солтүстік Қазақстан облысына жұмыс сапарымен барып, су тасқыны қаупі бар аймақтарды аралаған кезде белгілі болды.
Қанат Бозымбаев Шал ақын ауданына қарасты Сергеевка қаласындағы Сергеев су торабының жағдайын тексерді. Бұл Есіл өзенінің ағынын реттейтін және су ресурстарымен қамтамасыз ететін стратегиялық нысан. Өткен жылдан бері мұнда нығайту, түбін тереңдету және жағалауларды шайылудан қорғау жұмыстары жүргізіліп жатыр. Қазір су тасқынының екінші толқынының шарықтау кезеңі өтіп жатыр.
Сонымен қатар вице-премьер Есіл өзенінің бойында орналасқан Николаевка, Покровка, Явленка, Большая Малышка және Соколовка ауылдарындағы жағдайды тексерді. Облыс бойынша су басу қаупі бар 116 елді мекен бар. Облыс әкімі Ғауез Нұрмұхамбетовтың айтуынша, жағдай тұрақты бақылауда.
Бұдан бөлек, Қанат Бозымбаев Новоникольск ауылындағы көпірді, Қызылжар ауданына қарасты Бескөл, Прибрежное және Тепличное ауылдарындағы жөнделген бөгеттерді, Петропавл су торабын және Заречный кентіндегі айналма каналдың жағдайын қарады. Ұзындығы 3,7 шақырымға созылған бұл канал биыл су деңгейін реттеу және артық суды шығару үшін салынды.
Петропавлда су тасқынының бірінші толқынының шарықтау кезеңі 4-5 сәуірге болжанып отыр. Қорғау бөгеттерін нығайту жұмыстары аяқталуға жақын.
