ЕGov порталында бір ЖСН-ге тіркелген мобайл нөмірлер санын тексеруге арналған жаңа функция пайда болды.
Бұл туралы цифрлық даму, инновациялар және аэроғарыш өнеркәсібі министрі Жаслан Мәдиев мәлімдеп отыр.
Оның айтуынша, eGov-та мобайл нөмірлердің заңсыз тіркелуіне қарсы күресуге көмектесетін жаңа функция енгізілген.
ЕGov-та белгілі бір ЖСН-ге тіркелген SIM-карталар санын тексеру функциясын іске қостық. Қазір eGov-қа кіріп, өзіңіздің ЖСН-іңізді енгізу арқылы қанша мобайл нөмір тіркелгенін оңай тексере аласыз. Егер көрсетілген сандар сіздің шын мәнінде пайдаланатын нөмірлеріңізге сәйкес келмесе, дереу мобильді операторға жүгініп, бұл жағдайды анықтай аласыз, – деді Жаслан Мәдиев мәжіліс кулуарында.
