Таразда адам шошырлық оқиға болды. Тәуліктік жалдамалы пәтерден полиция қызметкерінің мәйіті табылды.
Бұл туралы ақпарат әлеуметтік желіде жарияланды. Белгілі болғандай, марқұмды пәтер иесі баспананы қабылдауға келгенде тапқан.
Жамбыл облыстық полиция департаментінің баспасөз қызметінің мәліметінше, аталған фактіге сәйкес, «Өзін-өзі өлтіруге итермелеу» бабы бойынша қылмыстық іс қозғалды.
Оқиға орнына полиция департаментінің басшылығы мен жедел-тергеу тобы дереу жетті, — делінген хабарламада.
Құқық қорғау органдары сонымен қатар оқиғаның барлық мән-жайы мен себептерін анықтау үшін қажет кешенді тергеу және жедел-іздестіру шаралары жүргізіліп жатқанын қосты.
