«Қазгидромет» РМК синоптиктері еліміздің бірнеше өңірінде ауа райына байланысты дауылды ескерту жариялады.
31 наурыз күні Ақмола облысының батысы мен солтүстігінде оңтүстік-батыстан жел соғады, екпіні 15-20 м/с жетеді. Көкшетауда оңтүстік-батыстан жел соғады, күндіз екпіні 15 м/с болады.
Ақтөбе облысында оңтүстік-шығыстан, оңтүстіктен жел соғады, күндіз батысы мен оңтүстігінде екпіні 15-20 м/с болады.
Атырау облысының батысы, оңтүстігі және шығысында күндіз шаңды дауыл тұрады. Оңтүстік-шығыстан жел соғады, екпіні 15-20 м/с жетеді. Атырау қаласында да күндіз шаңды дауыл болады, жел екпіні 15-18 м/с болады.
Алматы облысының оңтүстігінде және таулы аудандарында түнде және таңертең тұман болады.
Жамбыл облысының оңтүстігі мен таулы аудандарында түнде және таңертең тұман түседі. Таулы аудандарда солтүстік-шығыстан жел соғады, екпіні 15-20 м/с жетеді. Тараз қаласында 31 наурыз күні түнде және таңертең тұман болады.
Жетісу облысының шығысында күндіз шығыстан жел соғады, екпіні 15-20 м/с жетеді.
Батыс Қазақстан облысының батысы мен оңтүстігінде күндіз шығыстан, оңтүстік-шығыстан жел соғады, екпіні 15-20 м/с болады.
Қостанай облысының шығысында күндіз оңтүстік-батыстан, батыстан жел соғады, екпіні 15-20 м/с жетеді.
Маңғыстау облысының батысы, солтүстік-шығысы және орталығында күндіз шаңды дауыл тұрады. Оңтүстік-шығыстан жел соғады, екпіні 17-22 м/с болады. Ақтау қаласында күндіз шаңды дауыл болады, жел екпіні 17-22 м/с болады.
Солтүстік Қазақстан облысының оңтүстік-батысында түнде, ал күндіз облыс аумағында жаңбыр жауады. Күндіз облыстың батысы мен оңтүстігінде оңтүстік-батыстан жел соғады, екпіні 15-20 м/с жетеді.
