Басты бет Жаңалықтар Еліміздің 13 өңірінде дауылды ескерту жарияланды

Еліміздің 13 өңірінде дауылды ескерту жарияланды

Фото: Бақдәулет Әбдуалы/Baribar.kz
«Қазгидромет» РМК синоптиктері Қазақстанның бірқатар өңірінде тұман түсіп, көктайғақ болатынын ескертті.

20 наурызда түнде және таңертең Қарағанды облысының солтүстігінде, шығысында, оңтүстігінде кей уақыттарда тұман күтіледі. Оңтүстіктен, оңтүстік-шығыстан жел соғады, күндіз облыстың батысында, солтүстігінде, шығысында екпіні 15-18 м/с жетеді.

Түнде және таңертең Ұлытау облысының солтүстігінде, шығысында, оңтүстігінде кей уақыттарда тұман түседі. Оңтүстіктен, оңтүстік-шығыстан жел соғады, күндіз облыстың батысында, солтүстігінде екпіні 15-18 м/с жетеді.

20 наурызда Алматы облысының оңтүстігінде, шығысында оңтүстік-шығыстан жел соғады, екпіні 15-20 м/с барады. Қонаев қаласында 20 наурызда оңтүстік-шығыстан жел соғады, екпіні 15 м/с жетуі ықтимал.

Павлодар облысының батысында, оңтүстігінде оңтүстіктен жел соғады, екпіні 15-20 м/с жетеді деп күтіледі.

20 наурызда түнде және таңертең Ақтөбе облысының шығысында, солтүстігінде тұман күтіледі.

Түнде және таңертең Атырау облысының солтүстігінде, батысында тұман күтіледі. Солтүстік-батыстан, солтүстіктен жел соғады, күндіз облыстың оңтүстігінде, шығысында жылдамдығы 15-20 м/с жетеді.

20 наурызда таңертең және күндіз Ақмола облысының батысында, солтүстігінде, оңтүстігінде жаңбыр күтіледі. Оңтүстік-батыстан жел соғады, облыстың батысында, солтүстігінде, шығысында екпіні 15-20 м/с жетеді.

Солтүстік Қазақстан облысында түнде батысында, солтүстігінде жауын-шашын (жаңбыр, қар), көктайғақ болып, күндіз жаңбыр жауады. Облыстың батысында, солтүстігінде тұман күтіледі. Оңтүстік-батыстан соғатын жел солтүстік-батысқа ауысады, облыстың батысында, оңтүстігінде екпіні 15-20 м/с жетуі мүмкін. Петропавл қаласында 20 наурызда түнде жауын-шашын (жаңбыр, қар), көктайғақ, күндіз жаңбыр күтіледі. Сонымен қатар тұман түседі.

20 наурызда Абай облысында жел оңтүстік-шығыстан, оңтүстіктен соғады, облыстың оңтүстігінде, орталығында 15-20, күндіз екпіні 23 м/с жетуі ықтимал.

Түнде және таңертең Маңғыстау облысының солтүстік-батысында тұман күтіледі.

20 наурызда Қостанай облысында түнде облыстың батысында, солтүстігінде жауын-шашын (қар, жаңбыр), көктайғақ күтіледі. Облыстың солтүстігінде, батысында, шығысында тұман түседі. Солтүстіктен, солтүстік-батыстан жел соғады, күндіз облыстың оңтүстігінде екпіні 15-20 м/с жетуі мүмкін.

Жамбыл облысының таулы аудандарында тұман күтіледі. Солтүстік-шығыстан соғатын жел оңтүстік-батыс желіне ауысады, облыстың оңтүстік-батысында, солтүстік-шығысында, таулы аудандарында 15-20 м/с күтіледі.

20 наурызда Батыс Қазақстан облысының батысында, оңтүстігінде, солтүстігінде тұман күтіледі. Жел солтүстік-батыстан соғады, облыстың оңтүстігінде, шығысында күндіз екпіні 15-20 м/с жетеді. Орал қаласында 20 наурызда тұман күтіледі.

Exit mobile version