Алматыда жыл соңына дейін өңдеу өнеркәсібінде 20 жаңа жоба іске қосылады. Бұл туралы 24KZ арнасы хабарлап отыр.
Бұл 3 мыңға жуық жұмыс орнын ашып, мегаполистің елдегі негізгі экономикалық орталықтардың бірі ретіндегі позициясын нығайта түсетіні айтылды.
2024 жылы негізгі капиталға инвестиция 8%-ке дейін өсті. Айтарлықтай бөлігі өңдеуші өнеркәсіпке бағытталған.
Жалпы, өндіріс өнімін Алматы индустриялық аймағы мен «Инновациялық технологиялар паркі» арнайы экономикалық аймағының кәсіпорындары қамтамасыз етеді. 2025 жылы Алматының индустриалды аймағында 2 637 жұмыс орны ашылатын 132,5 миллиард теңгенің 15 инвестициялық жобасы жүзеге асырылады, — деді Алматы қаласы кәсіпкерлік және инвестициялар басқармасының басшысы Әбілқайыр Аймұхамбет.
