«Қазгидромет» РМК синоптиктері ел аумағында 4 наурызда болатын қауіпті метеорологиялық құбылыстарға болжам жасады.
Синоптиктердің мәліметінше, атмосфералық фронттардың өтуімен еліміздің басым бөлігінде ауа райының тұрақсыз сипаты сақталады, қар жауады.
ҚР батысында жауын-шашын, жаңбыр мен қар түседі. Республика бойынша тұман, көктайғақ, жаяу бұрқасын, солтүстікте, шығыста, оңтүстік-шығыста, орталықта желдің күшеюі күтіледі, — делінген хабарламада.
Түнде Жетісу облысының таулы аудандарында, түнде және таңертең Маңғыстау облысының батысында қалың қар жауады.