Қаладағы зираттарға 400 бейнебақылау камерасын орнатуға 582 миллион теңгеден астам қаражат бөлу жоспарланып жатыр.
Алматы қалалық цифрландыру басқармасы мемлекеттік сатып алу порталына 400 камера сатып алуға және оларды жерлеу орындарына орнатуға хабарландыру жариялады.
Құжатта сатып алынатын қызметтердің мақсаты — ақпарат алу, бақылау және тіркелген бұзушылықтар туралы төтенше жағдайлар қызметтерін жедел хабардар ету, сонымен қатар қоғамдық қауіпсіздік деңгейін арттыру, қоғамдық тәртіпті сақтау және Алматы қаласының зираттарында вандализм деңгейін төмендету екені айтылған.
