Мемлекет басшысының жарлығымен Нұрлан Ұранхаев Абай облысының әкімі лауазымынан босатылды. Бұл туралы Ақорда хабарлап отыр.
Мемлекет басшысының жарлығымен Нұрлан Телманұлы Ұранхаев Абай облысының әкімі лауазымынан босатылды, – деп жазылған ресми құжатта.
Нұрлан Телманұлы Ұранхаев 1965 жылғы 4 мамырда дүниеге келген.
1987 жылы В. И. Ленин атындағы Қазақ политехникалық институты, «инженер-механик» мамандығы бойынша, 2001 жылы Қазақ қаржы-экономикалық институтын «экономист-менеджер» мамандығы бойынша және 2006 жылы Шығыс Қазақстан мемлекеттік техникалық университет, «инженер-құрылысшы» мамандығы бойынша бітірген.
Еңбек жолын 1987 жылы Семей қаласының «Казпромтехмонтаж» тресінде шебер, прораб болып бастаған.
1995-1997 жылдары — Семей қаласының «Сары-Арқа» АҚ сенім білдірілген басқарушысы;
2001-2003 жылдары — «Казиркутсклес» ЖТАҚ Бас директоры (Иркутск облысы);
2003-2005 жылдары — Шығыс Қазақстан облысының энергетика, тұрғын үй-коммуналдық шаруашылық, құрылыс және көлік басқармасының бастығы;
2005-2006 жылдары — Шығыс Қазақстан облысы күрделі құрылыс басқармасының бастығы;
2006-2007 жылдары — Шығыс Қазақстан облысы әкімінің орынбасары;
2007 ж. — ҚР ТЖМ мемлекеттік материалдық резервтер комитеті төрағасының орынбасары;
2008 жылы — Қазақстан Республикасы президенті әкімшілігінің мемлекеттік инспекторы;
2009-2010 жылдары — «Ертіс» ӘКК басқарма төрағасының орынбасары;
2010-2013 жылдары — Қызылорда облысы әкімінің орынбасары;
2013-2014 жылдары — Семей қаласы гуманитарлық инновациялық заң университеті президентінің кеңесшісі;
2014 ж. — ҚР тұтынушылардың құқықтарын қорғау агенттігі төрағасының орынбасары;
2015-2017 жылдары — ұлттық экономика министрлігінің «ҚазҚСҒЗИ» АҚ бас директоры;
2017-2018 жылдары — Алматы қаласы сәулет және қала құрылысы басқармасының басшысы;
2019–2022 жылдары — Астана қаласының сәулет, қала құрылысы және жер қатынастары басқармасының басшысы;
2022 жылғы маусымда Абай облысының әкімі болып тағайындалды.
