Алматыда балабақша қызметкері төрт жасар балаға күш көрсеткен. Әлеуметтік желіде оқиғаның бейнежазбасы тарады.
Желідегі мәлімет бойынша, Алматыдағы жекеменшік балабақшада мекеме қызметкері төрт жасар балаға күш көрсеткен. Оқиға кезінде бөлмеде тағы екі ересек адам болған. Бірақ олар балаға араша түспеген.
Алматы қаласы полиция депаратменті бұл дерек бойынша қылмыстық іс қозғалғанын хабарлап отыр.
Бостандық аудандық полиция басқармасына қарасты полиция бөлімі кәмелетке толмаған баланы тәрбиелеу жөніндегі міндеттерді орындамау дерегі бойынша қылмыстық іс қозғады. Оқиғаның мән-жайы анықталып жатыр. Кінәлі адамдар Қазақстан Республикасының заңнамасына сәйкес жауапкершілікке тартылады, — делінген хабарламада.
