Астанадағы ескі вокзал аумағында жарылыс болды. Жарылыстың дүмпуі нысан маңындағы тұрғын үйлерге сезілген.
Елордалық полиция департаментінің орталық жедел басқармасының дерегінше, Сарыарқа ауданындағы Гёте көшесінде жарылыс болған.
ҚТЖ бөлімшесі кезекшісінің мәліметінше, 12-ші сұрыптау жолында платформадағы контейнерде дүмпу орын алды.
Ал төтенше жағдайлар министрлігі оқиға орнына дереу құтқарушылар жеткенін хабарлап отыр.
Өрт болған жоқ. Зардап шеккендер де байқалмады. Оқиға нәтижесінде бір адам жарықшақтан қолын аздап кесіп алған. Жедел медициналық жәрдем бригадасы оқиға орнында көмек көрсетті, ауруханаға жатқызу қажет болмады, — делінген хабарламада.
Оқиғаның себептері мен мән-жайлары нақтыланып жатыр.
