Шығыс Қазақстан облысы полиция департаментінің киберполиция қызметкерлері алаяқтар желісін жойды. Бұл туралы Polisia.kz хабарлап отыр.
Киберполиция ҰҚК және прокуратурамен бірлесіп, Өскемен қаласында үш мекенжайдан 489 sim-карта орнатылған 22 sim-box құрылғысын, 452 USB-интернет модемін, 13 компьютер, төрт роутер және бір ноутбук тәркіледі.
Заңсыз іс-әрекет үшін қаланың үш тұрғыны ұсталды.
Сонымен қатар Қарағандыда шетел азаматы ұсталып, одан 128 слоты бар sim-box құрылғысы, 2 мыңға жуық sim-карта, екі Wi-fi роутері және сигнал күшейткіш тәркіленді.
Ұсталғандардың барлығы уақытша ұстау изоляторына қамалды.
