«Сирия мәселесі бойынша Астанада өтетін халықаралық кездесудің барлық қатысушылары, оның ішінде Мохаммед Аллуш бастаған сириялық қарулы оппозиция өкілдері кездесуге қатысатындарын растады», — деп хабарлады ҚР СІМ баспасөз қызметінің басшысы Әнуар Жайнақов.
Болжам бойынша, келіссөздерге қарулы оппозицияның 16 өкілі келеді.
Келіссөздер 3-4 мамыр күндеріне жоспарланған.
Еске сала кетсек, 14-15 наурыз күндері өткен алдыңғы келіссөздерде жауынгерлік іс-қимылдарды тоқтату режиміне кепіл мемлекеттер — Ресей, Түркия, Иран делегациялары қатысты. Сондай-ақ, кездесуге АҚШ, Иордания, Сирия үкіметі және БҰҰ өкілдері келді.
