«Қазгидромет» РМК синоптиктері алдағы үш күнде ел аумағында қандай ауа райы болатыны туралы болжам жасады.
Синоптиктердің мәліметінше, алдағы үш күнде республиканың басым бөлігінде кең антициклон әсерінен жауын-шашынсыз ауа райы күтіледі. 8 ақпаннан бастап Ақмола облысында, елдің солтүстігінде, солтүстік-батысында және оңтүстігінде атмосфералық фронттардың ықпалы күшейеді, нәтижесінде қар жауып, бұрқасын болуы мүмкін, ал оңтүстік өңірлерде жаңбыр мен қар түрінде жауын-шашын күтіледі. Қазақстан бойынша тұман түсіп, желдің күшеюі болжанған.
Ауа температурасы біртіндеп төмендейді: батыста түнде минус 10-15 градусқа дейін, солтүстік-батыста минус 17-25 градусқа дейін, солтүстікте және орталықта минус 17-28 градусқа дейін, ал шығыста минус 18-35 градусқа дейін суытады, – делінген хабарламада.
