Көлік министрі тағы бір республикалық маңызы бар жолда ақылы жүйені енгізу туралы бұйрыққа қол қойды.
Министрдің бұйрығы бойынша, 26 қаңтардан бастап «Ресей Федерациясы шекарасы (Самара)-Шымкент» тасжолының бойындағы «Қызылорда-Арал» учаскесі ақылы болады. Ал ақша төлегісі келмейтін көлік жүргізушілер үшін баламалы жолдар қарастырылған. Олар:
- «Қызылорда-Павлодар-Успенка-Ресей Федерациясы шекарасы» республикалық маңызы бар автожолының «Қызылорда-Жезқазған» учаскесі;
- «Жезқазған-Петропавловск» республикалық маңызы бар автожолының «Жезқазған-Арқалық» учаскесі;
- «Арқалық-Торғай» облыстық маңызы бар автожолы;
- «Торғай-Шеген-Ақшығанақ-Дүкен-Ырғыз» аудандық маңызы бар автожолы;
- «Ресей Федерациясы шекарасы (Самараға)-Шымкент» республикалық маңызы бар автожолының «Ырғыз-Арал» учаскесі.
Жаңадан іске қосылатын ақылы жол II санатқа жатады.
Екі бағытта бір жолақтан қарастырылған. Әрбір жолақтың ені — кемінде 3,75 метр. Ақылы жолдың ұзақтығы — 454 км 850 метр. Ал жол учаскесін ақылы негізде пайдалану мерзімі 20 жыл болады.