19 киік жануарын тасымалдаған төрт қызылордалық құрықталды. Бұл туралы ІІМ баспасөз қызметі хабарлап отыр.
Қызылорда облысы Арал ауданы полиция бөлімінің қызметкерлері көлікті тексеру барысында тіркелмеген қару, прожектор, екі дана PUXING үлгідегі рациялары, арқан жіп табты. Автокөлік тіркемесіне қарап-тексеру барысында, 19 дана киік жануарының өлі денелері анықталды, — делінген хабарламада.
Осы факт бойынша тергеу әрекеттері жүргізіліп жатыр. Күдіктілерге қатысты сот үйқамақ түріндегі бұлтартпау шарасын санкциялады.
