Оңтүстік Кореяда ұшақ апаты болып, 179 адам қаза болды. Бұл туралы Yonhap агенттігі хабарлады.
Ұшақта 181 адам болған. Өрт сөндірушілер бір жолаушы мен экипаж мүшесін ғана құтқара алған.
Бангкоктан ұшып келе жатқан ұшақ Муан әуежайына қонбақ болғанда апатқа ұшыраған.
Ұшақтың апатқа ұшырауына қолайсыз ауа райы немесе құстар әсер еткен болу мүмкін. Әзірге нақты мәлімет жоқ.
Алдын ала мәлімет бойынша, ұшақта Қазақстан азаматтары болмаған. Бұл туралы сыртқы істер министрлігінің ресми өкілі Айбек Смадияров айтты.
