Ұлытау және Қызылорда облыстарында ауа райына байланысты жабылған республикалық жолдар қайта ашылды.
Бұл туралы «ҚазАвтоЖол» ҰК хабарлап отыр.
2024 жылғы 20 желтоқсан сағат 08:00–де Қызылорда облысы «Қызылорда-Павлодар» автожолының 12-216 шақырым аралығында учаске (Қызылорда қаласынан Ұлытау облысы шекарасына дейін), Ұлытау облысы «Қызылорда-Павлодар» автожолының 216-424 шақырым аралығында учаске (Қызылорда облысының шекарасынан Жезқазған қаласына дейін) республикалық автожолдарда көлік қозғалысы ашылды, — делінген компания хабарламасында.
Ал ауа райының бұзылуына байланысты 2024 жылғы 20 желтоқсан сағат 07:00–де республикалық маңызы бар «Алма-Тау туристік орталығына кіру» км. 0-15, мектеп (Тұздыбастау ауылы — Бесқайнар ауылы) жүк және қоғамдық көліктер үшін қозғалысқа шектеулер енгізілді.
