Антарктидадағы қанды сарқыраманың сыры неде?

Антарктидадан 1911 жылы қанды сарқырама табылған. Сол уақыттан бері ғалымдар сарқырама құпиясын аша алмай келген еді.

Қанды сарқырама, Антарктида

Ғалымдардың көпшілігі сарқыраманың қан түстес болуы себебін қызыл балдырмен түсіндірген. Алайда 2003 жылы қызыл балдырдың қанды сарқырамаға еш қатысы жоқ екені анықталды. Суда темір мөлшері көп болған.

Жақында радармен зерттеу жүргізген Аляска университетінің ғалымдары сарқыраманың бастау көзін тапты. Зерттеу қорытындысы бойынша, қызыл судың балдырдан емес, сол қайнардан шығып жатқаны анықталған.