Екібастұзда полиция қызметкерлері LADA-217030 автокөлігін тоқтатты. Бұл туралы Павлодар облыстық ПД хабарлап отыр.
Жүргізушінің әрекеті полиция қызметкерлеріне күдік туғызды.
Медициналық куәландыру жүргізушінің есірткі шеккенін көрсетті. Автокөлікті есірткі шегіп айдағаны үшін жүргізуші жауапқа тартылды.
Материал сотта қаралды. Сот шешімімен жүргізуші 15 тәулік мерзімге әкімшілік қамауға алынып, сегіз жыл мерзімге көлік құралын жүргізу құқығынан айырылды, – делінген хабарламада.
Полицейлер мас күйінде көлік құралдарын жүргізуге байланысты бұзушылықтардың жолын кесуге ерекше назар аударады.
Қабылданған шараларға қарамастан, жүргізушілер көлік құралдарын мас күйінде жүргізуді жалғастырып жатыр, осылайша олардың өміріне, сонымен қатар басқа жол қозғалысына қатысушылардың өміріне қауіп төндіреді, — делінегн хабарламада.
