Алматы облысының полиция департаменті мәйіті табылған 30 жастағы ер адамның өліміне қатысты тың деректермен бөлісті.
Алматы облысы ПД бастығының бірінші орынбасары Бағдат Әшімовтың айтуынша, марқұм Шерзат Болаттың ағасы Нұрқанат өз-өзіне қол салар алдында туысына WhatsАpp желісі арқылы хабарлама жіберген.
Тергеу барысында марқұм туыстарының біріне өзіне-өзі қол жұмсау туралы мессенджерде жіберген жазбасы анықталды. Хабарламада ол туысқандарымен қоштасып, жиенінің жанына жерлеуді сұрады, — дейді Бағдат Әшімов.
Еске салайық, бұған дейін Талғар маңында Шерзат Болаттың ағасы өлі табылғанын жазғанбыз. Аталған жағдай бойынша полиция қылмыстық іс қозғалды.
