Ақтөбе облысындағы тікұшақ апатына қатысты қылмыстық іс қозғалды. Бұл туралы ішкі істер министрлігі хабарлады.
9 қарашада Ақтөбе облысындағы аэродром аумағында оқу-жаттығу орындау кезінде МИ-8 тікұшағы қатты қонып, артынша отын багы өртенген. Осы факті бойынша қылмыстық іс қозғалды. Оқиға орнында тергеу органдары жұмыс істеп жатыр, – делінген хабарламада.
Естеріңізге сала кетейік, 9 қарашада Ақтөбе облысында тікұшақ құлап, 1 адам қаза болды. Екі адам ауруханада жатыр.
