Қасым-Жомарт Тоқаев Америка Құрама Штаттары президентін сайлауда айқын жеңіске жеткен Дональд Трампқа құттықтау жеделхатын жолдады.
Бұл туралы Ақорда хабарлап отыр.
Қазақстан президенті қауіпсіздік, ядролық қаруды таратпау, инвестиция салаларындағы екіжақты ынтымақтастық дәйекті түрде дами беретініне сенім білдірді.
Қасым-Жомарт Тоқаев Дональд Трампқа Америка халқының өсіп-өркендеуі жолындағы, сондай-ақ жаһандық тұрақтылық пен қауіпсіздікті қамтамасыз етудегі қызметіне табыс тіледі.
Естеріңізге салайық, АҚШ-тағы президентті сайлауда Дональд Трамп басым түсті.
