Алматылық өрт сөндірушілер жанып жатқан трансформаторды сөндірді. Бұл туралы қалалық ТЖД хабарлап отыр.
Баспасөз қызметінің мәліметінше, өрт бүгін таңғы сағат 07.36 шамасында шыққан.
Бостандық ауданы, Желтоқсан көшесі, 185/1 мекенжайында орналасқан трансформатордың қосалқы станциясы өртенді. Өрт сөндірушілер шұғыл нысанды электр қуатынан ажыратып, өртті жою шарасын қабылдады. Ауа-механикалық көбікті қолданған мамандар қызыл жалынды толығымен сөндірді, — делінген хабарламада.
Өрт 10 шаршы метр жерді шарпыған. Зардап шеккендер жоқ.
