Алматылықтар мен Оңтүстік елорда қонақтарын биылғы жаздың ғылым мен техника саласындағы үлкен жаңалығы күтуде!
Орталық Азиядағы ең ірі IQ BBQ ғылыми-музыкалық фестивалі өзінің толық бағдарламасын ашты және IT технологияларына бей-жай қарамайтын, көңіл көтеруді, шабыттануды, мыңдаған ақылды адамдармен танысуды, әлемге ғалымдардың көзімен қарауға қарсы емес қалаушыларды дәмді тамақтана отырып жаздың керемет күнін өткізу үшін 24 тамызда СЖК стадионында күтеді. Жаhандану туралы, өткен мен келешекті ойланатын кез келді.
Фестивальде арнайы шақырылған қонақтар, яғни, ғылым, заманауи өнер және технология саласындағы аты аңызға айналған қайраткерлер дәріс оқиды. Олар:
- Лоуренс Краусс — американдық — канадалық астрофизик, Аризона штатында жер мен ғарышты зерттеу университетінің профессоры, 300-ден астам ғылыми жариялымдардың авторы;
- Ұлан Үсенов — TikTok-та миллион аудиториясы бар жас химия мұғалімі, «Қазақстанның 100 жаңа есімі» жобасының жеңімпазы
- Александр Панчин — биолог, ғылымды насихаттаушы, ғылыми журналист, жазушы және блогер. Биология ғылымдарының кандидаты. Жалған ғылымға қарсы күрес жөніндегі РҒА комиссиясының мүшесі;
- Михаил Гельфанд — биология ғылымдарының докторы, профессор, Academia Europaea мүшесі, Халықаралық есептеу биологиясы қоғамының құрметті мүшесі;
- Полина Егармин — өнертанушы, IDA (Institute of Digital Art) негізін қалаушы, Lumiere Hall KZ мультимедиялық мұражайының тең құрылтайшысы;
- Дмитрий Гутов — жетекші заманауи суретші, өнертанушы, өнер теоретигі және өнер сыншысы.
- Рүстем Ермеков — Орталық Азиядағы жылдың үздік IT-педагогы. Қазақстандық әзірлеуші, өнертапқыш және оқытушы.
Qbit оқытуға арналған инженерлік жиынтықтарды жасаушы және тағы да 20-дан астам ғылым мен өнер жұлдыздары Yandex Qazaqstan қолдауымен Алматының орталығында алғаш рет өтетін IQ BBQ фестивалінде өнер көрсетеді.
Роботтар, нейрондық желілер, біздің әлемді өзгертетін жаңа технологиялар, заманауи өнер, музыка және т.б. — IQ BBQ ғылыми-музыкалық фестивалінде көретін боламыз. Фестивальдің басты оырндаушылары, қазақстандық сахна жұлдыздары — Ирина Кайратовна мен Moldanazar.
Бұл біз өткізген алғашқы ғылыми фестиваль емес, бұл фестиваль ТМД және Еуропа елдерінде өткен болатын. Алматыға алғаш рет келгенімізде, дәл осы жерде бұл фестиваль әкелетін жаңалық қала тұрғындары үшін өте өзекті және қызықты болатынын түсіндік. Қазақстан — Орталық Азиядағы іскерлік, технологиялық және шығармашылық белсенділіктің орталығы. Біз Қазақстанның әлемдік аренада одан да мықты танымал болғанын қалаймыз, сондықтан да осындай серпінді іс-шараны ерекше форматта бірінші болып жасаудамыз. Фестиваль ашық аспан астында көңілді әрі қызық болатын өте танымдық көптеген заманауи өнер туындыларын көрсетеді. Фестиваль технология, ғылым және өнердің ең көрнекті қайраткерлері — Илон Маск, Мишель Обама, Мэтью Макконехи, Роберт Сапольский сияқты болашақта ондаған мың адам жиналатын Остиндегі (АҚШ) Burning Man немесе SXSW деңгейіндегі маңызды жаңалық болады. Расымен де, біз ең басынан ақ өзімізге үлкен белесті бағындыруға жоспар құрдық, — деді IQ BBQ фестивалін ұйымдастырушылар Дарья мен Николай Тиходеева.
IQ BBQ фестивалінің кеңістігі 4 тақырыптық көріністі қамтиды. MAIN STAGE, SCIENCE, ART және AI тақырыбындағы дәрістер. Фестиваль қонақтарын IQ BBQ алаңында роботтар көрмесі, Marwin және МЕЛОМАН серіктестеріміздің спорттық және балаларға арналған аймақтары, фудкорттар, жәрмеңкелер, сонымен қатар басқа да серіктестердің фестиваль қатысушыларына арналып дайындаған көптеген іс-шаралары күтеді.
Ғылыми технологиялардың барлық аспектілерін қамтитын, сонымен қатар ойын-сауық бағдарламасын жүзеге асыратын осындай фестивальге қатысу үшін Қазақстанға шақырту алу мен үшін — мәртебе. Бұл фестиваль тек ересектер мен «ақылдылар»-ға арналған аудитория емес, сонымен қатар біздің болашағымыздың артында тұрған балалар мен жас ұрпақты тартуға арналған! IQ BBQ-де кездесуді асыға күтемін, — деді американдық-канадалық астрофизик, жер және ғарыштық зерттеулер бөлімінің профессоры, ғылыми бестселлерлердің авторы Лоуренс Краус.
IQ BBQ ғылыми-музыкалық фестивалі 24 тамызда Абай-159, СЖК мекенжайында барлық қатысуға ықылас білдірушілерді күтеді.
Билеттерді мына сілтеме арқылы сатып алуға болады.
