Елімізде 140 жолаушылар пойызы бар, тарифтердің көтерілуі соның 62-сіне әсер етеді. Бұл туралы көлік министрлігі хабарлады.
Ведомствоның мәліметінше, тарифтерді көтеру автокөлік паркін жаңарту, көрсетілетін қызметті жақсарту және қызметкерлердің жалақысын көтеру үшін қажет.
Сонымен қатар министрлік кейінгі 10 жылда әлеуметтік маңызы бар бағыттар бойынша жолаушыларды тасымалдау бағасының өсуі байқалмағанын (инфляция деңгейіне индекстеуді қоспағанда) атап өтті.
Жолаушылар вагондарының паркі 2 667 бірлікті құрайды, оның тозуы 44%-ке жетті. Вагондар паркін жаңартуды жеке тасымалдаушылар да, ұлттық тасымалдаушылар да жүзеге асырады. Мәселен, 2023 жылы 118 вагон, 2024 жылы 140 вагон сатып алынды. 2025 жылдан бастап жыл сайын 200-ден астам вагон сатып алу жоспарлануда, 2030 жылға қарай сатып алу 1200 бірлікті құрайды, — делінген хабарламада.
