Қуат Хамитов: Қазақстаннан шыққан тұңғыш Fight Nights чемпионы болғым келеді

Бүгін ережесіз жекпе-жектен халықаралық Fight Nights Global 63 турнирінде отандасымыз Қуат Хамитов ресейлік Магомедсайгид Алибековпен күш сынасады. Кездесу Ресейдегі «Фетисов Аренада» өтеді.

Жекпе-жек алдында Қуат ресейлік vl.ru порталына сұхбат берді.

Қуаттың айтуынша, ол бүгінгі кездесуге үш ай бойы Таиландтағы Phuket Top Team залында жаттыққан. Әуесқой жарыстарда бүгінгі қарсыласы Алибековты жеңген спортшылармен дайындалған. Сондай-ақ, оның желтоқсан айында өткен кездесуін көрген бапкерлерден кеңес алған.

Қуат Магомедсайгидті өте мықты файтер ретінде мойындайды.

«Алайда бәрін октагон көрсетеді. Бірақ бұл титулды Қазақстан күтіп тұр. Өз елімнен шыққан тұңғыш Fight Nights чемпионы болғым келеді. Жерлестерім менің жеңісімді күтеді, сондықтан оларға чемпиондық белбеуді сыйламақпын»,- дейді Қуат Хамитов.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version