Энергетика министрі Алмасадам Сәтқалиев шетелдіктер үшін бензин мен дизель отынының жаңа бағасын белгілейтін бұйрыққа қол қойды.
Құжатта стационарлық автожанармай құю станциялары үшін бөлшек саудада өткізілетін мұнай өнімдерінің шекті бағалары белгіленді:
1. Аи-80 маркалы бензин – литрі 89 теңге,
2. Аи-92 және Аи-93 маркалы бензин – литрі 245 теңге:
Қазақстан Республикасында берілген жүргізуші куәлігін көрсеткен кезде тәулігіне 100 литрге дейінгі көлемде – литрі 205 теңге;
Қазақстан Республикасында берілген жүргізуші куәлігін және мотоциклдерге, жеңіл, жүк, арнайы, мамандандырылған автомобильдер мен автобустарға көлік құралын тіркеу туралы куәлікті көрсеткен кезде тәулігіне 300 литрге дейінгі көлемде – литр үшін 205 теңге.
3. дизель отыны (жазғы, маусымаралық) – литрі 315 теңге:
Қазақстан Республикасында берілген жүргізуші куәлігін көрсеткен кезде тәулігіне 100 литрге дейінгі көлемде –литрі 295 теңге;
Қазақстан Республикасында берілген жүргізуші куәлігін және жүк, арнайы, мамандандырылған автомобильдер мен автобустарға көлік құралын тіркеу туралы куәлікті көрсеткен кезде тәулігіне 300 литрге дейінгі көлемде – литрі 295 теңге.
Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
