Мемлекет басшысын Физули қаласының әуежайында Әзербайжан президенті Ильхам Әлиев қарсы алды. Бұл туралы Ақорданың баспасөз қызметі хабарлады.
Мұнда президенттер Құрманғазы атындағы балалар шығармашылығы орталығының ашылу салтанатына қатысады. Сонымен қатар жергілікті халықпен кездесіп, алдағы уақытта салынатын Физули қалалық Орталық ауруханасының жобасымен танысады, — делінген хабарламада.
Бұдан кейін екі ел басшылары Шуша қаласындағы әлеуметтік-мәдени және басқа да нысандарды аралап көреді.
Айта кетейік, бұған дейін Қазақстан президенті Әзербайжан Республикасына мемлекеттік сапармен барғанын жазған болатынбыз.
