Астанада салынып жатқан көпқабатты тұрғын үйден өрт шықты. Бұл туралы Астана қаласы төтенше жағдайлар департаментінің баспасөз қызметі хабарлады.
29 ақпанда сағат 14.05-те қалалық өрт сөндіру бөлімшесіне Төле би көшесі, 16 мекенжайында өрт туралы хабарлама келіп түсті. Оқиға орнына барған өрт сөндірушілер 17 қабатты салынып жатқан тұрғын үй кешенінің жабынында 10 шаршы метр аумақта рубероид және жылытқыштың (минералды мақта) жанып жатқанын анықтады. Сағат 14.24 минутта өрт ауыздықталды, — делінген хабарламада.
Тілсіз жаумен күреске 17 маман және төрт техника жұмылдырылды.