Қазақстанға тауық жұмыртқасын автокөліктермен әкелуге алты айға тыйым салынады.
Ауыл шаруашылығы министрінің аталған бұйрығы 2024 жылғы 1 мамырдан бастап қолданысқа енгізіледі.
Қазақстан Республикасының аумағына автомобиль көлігімен үшінші елдерден және Еуразиялық экономикалық одақ елдерінен тауық жұмыртқасын (Еуразиялық экономикалық одақтың сыртқы экономикалық қызметінің тауар номенклатуралық коды: 040721) әкелуге алты ай мерзімге тыйым салу енгізілсін, — делінген бұйрық мәтінінде.
«Ашық» НҚА-ға жарияланған бұйрық 1 наурызға дейін қоғам талқысына ұсынылып отыр.
