Алматының Алмалы ауданында 11 желтоқсаннан бастап минуты үшін төлем жасалатын ақылы тротуар тұрағы жұмыс істей бастайды.
Бұл туралы қала әкімдігінің баспасөз қызметі хабарлады.
Әкімдіктің мәліметінше, Алмалы ауданында 27 аймақ, 6 504 тұрақ орны, оның ішінде мүмкіндігі шектеулі адамдарға арналған 454 тұрақ орны бар.
Ақылы тротуар тұрағының жұмыс тәртібі: күн сайын сағат 8.00-ден 19.00-ге дейін. Бір сағаттың құны 100 теңге. Уақытты есептеу көлік құралының тұрақ аймағында тоқтаған сәтінен басталады. Тұрақ ақысын алғашқы 15 минут ішінде төлеу қажет, — делінген хабарламада.
Тұрақ орны үшін алдын ала төлеуді келесі тәсілдермен жүргізу қажет:
- «парковки Алматы» мобайл қолданбасы арқылы. Бұл қолданбаны Play Market немесе Apple Store арқылы телефонға жүктеуге болады;
- almaty-parking.kz сайтында;
- Kaspi.kz мобайл қолданбасы арқылы ақпараттық тақталардағы QR-код бойынша;
- kassa 24 терминалы;
- Kcell, Activ, Beeline, Tele2, Altel абоненттерінің 1309 нөмірі бойынша SMS хабарлама жіберіп төлей алады. Төлеу үшін тақтада көрсетілген тұрақ нөмірін, көлік нөмірін және «*» белгісі арқылы сағат санын көрсету керек. Мысалы, 6021*123ААА02*1.
«Алматыпаркинг» КМК-да екінші деңгейлі банктер (Halyk bank, Centercredit, RBK, Jusan және Forte bank) арқылы QR-төлемді ықпалдастыру арқылы төлем тәсілдерін арттыру мүмкіндіктері белсенді түрде әзірленіп жатқанын хабарлады.
Тротуар үлгісіндегі тұрақтар басқа аудандарда кезең-кезеңімен іске қосылады. Бұзушылықтар автоматты режимде, мобайл кешендермен (арнайы авто) тіркеледі. Ақылы тұрақ үшін төлеуден жалтарғаны үшін айыппұл 3 АЕК құрайды (ҚР 597-бабы, 4-1-б.). Бір жыл ішінде бұзушылықтар қайталанса, 5 АЕК мөлшерінде айыппұл төлеуге әкеледі. Алматының ақылы тұрақ аймағының шекарасында көлік құралдарын тегін қою құқығына жеңілдік санаты бар азаматтар ие, — делінген хабарламада.
Өтініштер «eOtinish» сервисі арқылы онлайн, Almaty-parking.kz сайты арқылы немесе Алматы қаласы, Бостандық ауданы, Бәйсейітова көшесі, 40, н.л.71, 5 кабинетте қабылданады.
Байланыс орталығы: +7 (727) 390-8000 күнделікті сағат 8.00-ден 20.00-ге дейін жұмыс істейді.
