Қасым-Жомарт Тоқаев Алматыдағы хостелдердің бірінде қаза болған Қазақстанның және шетел азаматтарының жақындары мен туған-туыстарына көңіл айтты.
Бұл туралы Ақорда хабарлады.
Қайғылы жағдайға кінәлілер заң бойынша жауапқа тартылады. Үкімет пен әкімдікке зардап шеккендердің отбасыларына көмек көрсету тапсырылды, — деп жазылған хабарламада.
Еске салайық, 30 қараша күні таңертең Алматыда болған өрт салдарынан 13 адам қаза болды, екеуі ауруханаға жеткізілді.
59 адам шұғыл эвакуацияланды. 56-сы жақын маңдағы мектепке уақытша орналастырылды. Мұндағы тұрғындардың дені — шет мемлекеттердің азаматтары.
Өртке қатысты қылмыстық іс тіркелді.
Қайтыс болған 13 адамның төртеуі шетелдіктер (Ресей Федерациясының екі азаматы және Өзбекстанның екі азаматы). Тағы 9-ы – Қазақстан азаматтары.