Қазақстанда міндетті дактилоскопиялық тіркеуді (саусақ ізімен анықтау) енгізуді алып тастау жоспарланып отыр.
Қолданыстағы ереже бойынша, саусақ ізін міндетті тіркеу 2024 жылғы 1 қаңтардан басталуы керек. Бірақ енді оны алып тастау жоспарланып отыр. Бұл норма мәжілісте қаралып жатқан мемлекеттік корпорациялардың мәселелері бойынша түзетулер жобасына енгізілген.
Заң жобасының маңызды жаңалығы – 2024 жылғы 1 қаңтардан бастап құжаттандыру үшін халыққа қызмет көрсету орталықтарында міндетті түрде дактилоскопиялық тексеруді алып тастау. Қауіпсіздік мәселелері мен азаматтардың конституциялық құқықтарының сақталуына қатысты көптеген өтінішке, сарапшылардың пікірлеріне байланысты шешім қабылданды. Саусақ іздері азаматтың өтініші бойынша қалады. Сонымен қатар шетелдіктер үшін саусақ ізін алу міндетті болып қала береді, — деді мәжіліс депутаты Екатерина Смышляева.
