Efes Kazakhstan компаниясы «Eco Fund Tabigat» жеке қорымен бірлесіп, Қазақстанның табиғи ресурстарын қолдауға бағытталған #BMgoGREEN әлеуметтік жобасының нәтижесін жариялады. Бұл үшін Алматы мен Семей арасында телекөпір ұйымдастырды. Жоба қорытындысы бойынша, 8 миллион теңге жиналып, қаржы Семей орманын резерватына аударылды.
#BMgoGREEN науқаны экологиялық проблемаға назар аударып, қоғамды әр нәрсені барынша саналы тұтыну мен тұрақты даму жолында біріктіру үшін құрылған. Efes Kazakhstan компаниясының бас директоры Эртан Курт даладағы өрте алаңдайтынын айтты.
Өкінішке қарай, кейінгі кездері дала жиі өртеніп, экологиялық тұрақтылық мәселесі бұрынғыдан да өзекті бола түсті. Тілсіз жаудың қоршаған ортаға және қауымдастықтарға әсері алаңдатады. Бүгін біз #BMgoGREEN әлеуметтік жобасының қорытындысын шығарып, «Семей орманы» мемлекеттік резерватына көмектесетінімізге қуаныштымыз, — деді Эртан Курт.
Еске салайық, 2023 жылғы тамыз айында Алматыдағы «Қарағайлы орман» экопаркі аумағында жобаның іске қосылуына орай «Eco Fund Tabigat» басшысы Тимур Елеусізов пен Efes Kazakhstan компаниясының жетекшілері — бас директор Эртан Курт, маркетинг департаментінің директоры Зейнеп Эркан Алп, корпоративтік қатынастар департаментінің директоры Шыңғыс Қаскеев және басқа да компания басшылары БАҚ өкілдерімен бірге орманды қалпына келтірудің символы ретінде күл ағашының көшеттерін отырғызған еді.
«Eco Fund Tabigat» жеке қорының басшысы Тимур Елеусізовтің айтуынша, қордың негізгі мақсаты — экологиялық бастамаларды белсенді қолдау.
Біздің қорымыздың идеясы — қоғамды қоршаған ортаны жақсарту, экологиялық мәдениетті ілгерілету және елдегі экологиялық бастамаларды белсенді қолдау бойынша жасыл бастамаларға тарту. Жақын арада басқа қалаларға да осындай экологиялық саябақтар ашуды жоспарлап отырмыз. Осы жазда үлкен трагедиядан зардап шеккен «Семей орманы» мемлекеттік орман табиғи резерватына көмектесіп, қолдау біз үшін өте маңызды, — деді Тимур Елеусізов.
#BMgoGREEN әлеуметтік жобасы «Белый Медведь» брендінің және «Eco Fund Tabigat» жеке қорының қолдауымен осы жазда басталды. Шілдеден қыркүйекке дейін Efes Kazakhstan компаниясы Қазақстандағы ормандарды қалпына келтіру және кеңейту үшін сатылған «Алтын серия» ақ аюының әр бөтелкесінен 10 теңгеден инвестиция бөлді.
Осы жазда біз «Белый медведь золотая серия» брендімен бірге Қазақстандағы қоршаған ортаны сақтау және ормандарды қалпына келтіру жөніндегі игі бастамаға арналған жобаны іске қостық. Әрбір сатылған бөтелкеден 10 теңгеден инвестициялау арқылы 8 000 000 теңге жинадық. Оны зардап шеккен аймақтағы ормандарды қалпына келтіруге қуана-қуана жолдаймыз, — деді маркетинг департаментінің директоры Зейнеп Эркан.
Алматы мен Семей қалалары арасындағы телекөпір барысында маркетинг департаментінің директоры Зейнеп Эркан «Eco Fund Tabigat» басшысы Тимур Елеусізовке «Семей орманы» алқабында ағаш егуге бағытталған номиналды құны 8 миллион теңгенің сертификатын табыс етті.
