Тоғыз айда Қазақстанда 109 552 автокөлік шығарылды. Бұл туралы «Қазақстан автомобиль одағының» баспасөз қызметі хабарлады.
Өнімнің құны 1,3 триллион теңгеден асады. Былтырғымен салыстырғанда өсім 39,2% болды.
Баспасөз қызметінің мәліметінше, қыркүйек айында елімізде жалпы құны 156 миллиард теңге болатын 12 231 көлік дайындалды. Бір жыл бұрынғы көрсеткіш 9 865 көлік және 105,7 миллиард теңге болды. Бұл биылғымен салыстырғанда 24%.
Автомобильдер мен коммерциялық көліктер өндірісі 39,2%-ке өсті. Қазақстандағы машина жасаудағы автомобиль өнеркәсібінің үлесі 44,5%.
Қостанайда жаңа Kia зауыты салынып жатыр. Қазан айында Skoda брендінің қайта оралғаны туралы белгілі болды. Сонымен қатар елімізде автомобиль бөлшектерін шығаратын цехтар да салынып жатыр. Қазақстандағы автомобиль өнеркәсібі өнімінің негізгі көлемі (88%) Қостанай облысы мен Алматыда шоғырланған: тиісінше 596,6 миллиард және 418,8 миллиард теңге, — делінген хабарламада.
