Газа секторында Қазақстан азаматы мен оның қызы қаза болды. Бұл туралы сыртқы істер министрлігі хабарлады.
Министрліктің мәліметінше, қаза болған қазақстандық Юлия Әбу-Меалақ Палестина аумағында ұзақ уақыттан бері күйеуімен (Палестина азаматы) бірге тұрған. Оның 23 жастағы қызы — Палестина азаматы.
Бұған дейін сыртқы істер министрлігінің өкілі Айбек Смадияров кейінгі аптада Газа секторында 64 қазақстандық барын айтқан еді.
Газа секторының денсаулық сақтау министрлігінің хабарлауынша, 7 қазаннан бері 4 651 адам қаза болып, 14 245 адам жараланған.
