Қасым-Жомарт Тоқаев азаматтық қорғаныс саласының қызметкерлерін Құтқарушы күнімен құттықтады. Бұл туралы Ақорда хабарлады.
Азаматтық қорғаныс саласының қызметкерлерін Құтқарушы күнімен құттықтаймын! Сіздердің жұмыстарыңыз қауіп-қатерге толы әрі зор жауапкершілікті талап етеді. Мемлекет пен қоғам сіздердің антқа адалдықтарыңызды, қажырлы еңбектеріңізді жоғары бағалайды. Баршаңызға бақ-береке тілеймін!, – делінген президент құттықтауында.
Құтқарушылар күні Қазақстанда жыл сайын 19 қазанда аталып өтеді. Кәсіби мерекенің бекітілуі елімізде төтенше жағдайлар жөніндегі орталық мемлекеттік комитеттің құрылуымен байланысты.
