Алматылық жастар есірткіні дәріханалардан сатып алып жатыр. Бұл туралы «Жаңа адамдар» жастар қозғалысы хабарлады.
“Жаңа адамдар” Алматы дәріханалары бойынша рейд жүргізді. Тексеріс кезінде есірткі құралдарының рецептсіз сатылу жағдайлары анықталды. Сатып алушылар рөлін 18-20 аралығындағы жастар сомдаған. Белсенділер тәуелділік әсері бар дәрілерді рецептсіз сатып алған. Тәуелді адамдар мұндай препараттарды есірткілерге альтернатива ретінде пайдаланады. Тексерілген 16 дәріхананың екеуінде қызметкерлер рецебі жоқ седативтерді сатты. Сату фактілері видеокамераға түсірілді, — делінген хабарламада.
Посмотреть эту публикацию в Instagram
Есірткілік және психотроптық әсерді беретін дәрілер көз ауруларын, ұйқысыздықты, психикалық ауытқуларды емдеу және ауырсынуды басу үшін қолданылады. Адамдар мұндай препараттардың құрамындағы есірткілік заттарға тез үйреніп кетуі мүмкін. Заң бойынша, мұндай препараттардың рецептсіз сатылуына тыйым салынған.
