Шымкентте вагон үстіне шыққан жасөспірімді ток соқты. Бұл туралы Шымкент ТЖД қоғаммен байланыс тобы хабарлады.
Оқиға Тұран ауданына қарасты Түргенев көшесінде болған. «Қорғасын» теміржол станциясында вагон үстіне шыққан 15 жасар баланы электр тогы соққан.
Жарақат салдарынан жасөспірім 2 дәрежелі дене күйігімен ауруханаға жатқызылды. Қазіргі жағдайы орташа ауыр.
Қауіпсіздік ержелерін сақтау керектігін ескертеміз. Теміржолды тек арнайы белгіленген жерден кесіп өту керек, вагон маңынан жүруге, ойнауға, оған шығуға, рельсте тұруға және отыруға тыйым салынады, — делінген хабарламада.
