Осыған байланысты экологтар ауа ластанып, адам денсаулығына орасан зор қауіп төнуі мүмкін екенін айтады. Олардың айтуынша, табиғатқа залал келтірмей, жер ресурстарын тиімді пайдалануды көздейтін «Жасыл экономиканы» енді медицина, ауыл шаруашылығы мен өнеркәсіп саласына да енгізу керек.
Олжас Сүлейменов, қоғам қайраткері:
-Қай елде, қай Еуразия елінде 40 жыл тоқтамай атом полигоны істеді? Миллиард тонна өндірістік қалдық жерде жатыр. Су уланып жатыр. Жер уланып жатыр. Табиғатты қорғау – болашақты қорғау, өмірді қорғау. Осы мақсатта «Байтақ болашақ» альянсы құрылып жатыр. Бұл – бірінші төңкеріс.
Азаматхан Әміртаевтың айтуынша, «Байтақ болашақ» экологиялық альянсының басты мақсаты – проблемаларды зерттеп, соның шешу жолдарын ұсыну.
