Алматыда қазақтың кемеңгер ақыны және ұлы ойшылы Абай Құнанбаевтың 178 жылдығы құрметіне орай оның ескерткішіне гүл шоқтарын қою рәсімі өтті.
Іс-шараға Қазақстан Жазушылар одағының төрағасы Мереке Құлкенов, Әуезов атындағы Әдебиет және өнер институтының директоры Кенжехан Матыжанов, мемлекеттік қоғам қайраткері Нұрлан Оразалин, Алматы қаласы мәслихатының депутаттары, ақын-жазушылар және т. б. қатысты.
«Бүгін еліміз үшін ерекше мейрам — ұлы ақын Абай Құнанбаевтың туған күні. Абай Құнанбаевтың тұлғасы қазақ халқының ғана емес, бүкіл әлемнің өмірінде маңызды орын алады. Абай Жидебайда дүниеге келген. Алайда, әр қазақ Абай — біздің ақынымыз деп оны мақтан тұтады», — деп атап өтті өз сөзінде Жазушылар одағы басқармасының төрағасы Мереке Құлкенов.
Алаңдағы ескерткішке гүл шоқтары қойылған соң оқушылар мен жастар Абай Құнанбаевтың қазақстандықтарға кеңінен танымал шығармаларынан үзінділер оқыды.
Қазақтың ұлы ақыны мен ағартушысының шығармашылығын сүйетіндер үшін Орталық қалалық кітапханада Қазақстан халқы Ассамблеясының Аналар кеңесімен бірлесіп «Ұлы Абай халық жүрегінде» атты дөңгелек үстел өтті, содан кейін «Алатау» дәстүрлі көркем театрында «Абай мұрасы – Қазақ қазынасы» атты әдеби-музыкалық қойылым көрсетілді.
Еске салсақ, Абай күні Қазақстан Республикасы Үкіметінің 2020 жылғы 4 тамыздағы қаулысына сәйкес Қазақстанда мерекелік күн болды.
