27 наурыз – Халықаралық театр күніне орай, Қазақстан Театрлар Ассоциациясы республикадағы барша театр ұжымдарының ішінен ең үздіктерін театр өнерінде жеткен жетістіктері үшін салтанатты түрде марапаттамақшы. Марапаттау салтанаты 27 наурыз күні сағ. 19-00де Астана қаласының «Қазақстан» орталық концерт залында өтеді. Олар Қазақстан Театрлары ассоциациясы ұйымдастырған тұңғыш «Сахнагер – 2017» ұлттық театр жүлдесімен марапатталады.
Әуезов атындағы Қазақ мемлекеттік академиялық драма театрының баспасөз қызметінің хабаралуынша, мерекелік кеште Қазақстан Театрлар Ассоциациясына мүше М.Әуезов атындағы Қазақ Мемлекеттік академиялық драма театрының ұжымы өнер көрсетеді.