Футболдан Қазақстан ұлттық құрамасы Еуро-2024 іріктеуінде төртінші турдың матчын өткізді.
Н тобында ойнап жатқан Магомед Адиевтің шәкірттері сырт алаңда Солтүстік Ирландия командасымен кездесіп, 1:0 есебімен жеңіске жетті.
Жалғыз голды ойынға жаңадан қосылған Абат Айымбетов 88-минутта соқты. Төрт турдың қорытындысы бойынша ұлттық құрама тоғыз ұпай жинады. Солтүстік Ирландияның үш ұпайы бар.
Қазақстан құрамасы келесі кездесуін тоғыз ұпай жинап үлгерген Финляндия құрамасымен 7 қыркүйек күні өз алаңында өткізеді.
