Түркиялық әуе тасымалдаушы Mavi Gök Aviation Астанадан Анталияға жаңа рейсін ашты. Бұл туралы «Нұрсұлтан Назарбаев халықаралық әуежайы» АҚ баспасөз қызметі хабарлады.
Баспасөз қызметінің мәліметінше, алғашқы рейс 4 маусымда Boeing 737-800 ұшағында орындалды және ол 5,5 сағатқа созылды.
Ұшақты дәстүр бойынша «су аркасымен» қарсы алды. Бұдан былай Қазақстанның астанасы мен Түркияның Жерорта теңізіндегі курорты арасында аптасына екі рет — сәрсенбі және жексенбі күндері тікелей әуе қатынасы жүзеге асырылады, — делінген хабарламада.
Boeing 737-800 ұшағы 189 орынға арналған. Жоғары жолаушылар ағынын сақтай отырып, әуекомпания ағымдағы жылдың шілде айынан бастап ұшақты 300-ден астам жолаушы орны бар Boeing 777-300ER-ге ауыстыруды жоспарлап отыр.