Ұлттық банк доллар мен рубльдің 1 маусымға арналған бағамын белгіледі.
Атап айтқанда, 1 доллар құны – 448,13 теңге, Ресей рублінің орташа сараланған бағамы — 5,58 теңге.
31 мамыр кешкі сауда қорытындысы бойынша, доллардың орташа бағамы 0,59 теңгеге өсіп, 447,71 теңге болған. Ресей валютасы 5,51 теңге болды.
Kurs.kz мәліметі бойынша, Астанадағы валюта айырбастау орындарында 1 доллар 444–448 теңгеден сатылып жатыр. Ал Алматыда доллар 444,5–447,5 теңге аралығында құбылып тұр.
Дәл қазіргі уақытта Алматыдағы ақша айырбастау орындарында Ресей валютасын 5,4–5,6 теңгеге сатып алуға болады. Астанада көрші ел валютасы 5,43–5,53 теңгеден саудаланып жатыр.