Абай облысында төрт күн бұрын басталған ормандағы өрт сөндірілді. Бұл туралы облыс әкімдігінің баспасөз қызметі хабарлады.
Баспасөз қызметінің мәліметінше, өрт кеше сағат 18:32-де оқшауланған.
Бородулиха ауданында жергілікті ауқымда табиғи сипаттағы төтенше жағдай жарияланды. 25 мамыр күні үкімет отырысында өңірдегі жағдай күн тәртібінен тыс қаралды, — делінген хабарламада.
ТЖМ мәліметінше, ормандағы өртті сөндіруге үш ведомствоның 10 тікұшағы жұмылдырылды. Тәулігіне 52 рет 130 тонна су ағызылды (барлығы 298 рет, 745 тонна су).
Жалын 3 500 гектар аумақты шарпыды.
Еске салайық, 22 мамырда Ресейдің Алтай өлкесінің аумағындағы Новенькое ауылының маңында құрғақ шөп жанып, жалын «Семей орманы» табиғи резерваты аумағына тарады.
Ормандағы өртке байланысты 277 адам эвакуацияланды.
