Мемлекет басшысы ЖЕЭК шағын құрамдағы отырысына қатысты

Президент жоғары Еуразиялық экономикалық кеңестің шағын құрамдағы отырысына қатысты. Бұл туралы Ақорда хабарлады.

Шағын форматта өткен жиынға Қасым-Жомарт Тоқаевпен қатар Ресей Федерациясының президенті – ЖЕЭК төрағасы Владимир Путин, Армения премьер-министрі Никол Пашинян, Беларусь президенті Александр Лукашенко, Қырғызстан президенті Садыр Жапаров, сонымен қатар Еуразия экономикалық комиссия алқасының төрағасы Михаил Мясникович қатысты.

Жиында мемлекеттер басшылары Еуразиялық экономикалық одақтың қызметі мен даму перспективаларына қатысты өзекті мәселелер жөнінде пікір алмасты.